Hanneland

Does God really know?

2010-08-03T14:48:00.000+02:00

Enda meir samfunnsengasjement frå Hanne, 10c, 2001? Eit utdrag frå ein engelsk stil, også denne om elenda i verda:

"You've got to tell them once", God's wife said to Him.

"But I don't want them to know", God answered, "it's bad", He said, "it's really, really bad!"

The children had got to know about the good part of the Earth. But the bad part, all the misery, God didn't want his kids to know about.

God brushed his teeth, did fifty push-ups, and went to bed.
He couldn't sleep. All night, he lay awake, thinking of his kids and planet Earth.

At 7 o'clock, he woke up the children.

"Come on, kids! We are going to the Earth!"

"We are? Wow!" the children shouted out loudly.

God brought out their bikes. He gave the kids their helmets.

"Put these on", He said.

They got on their bikes, and rode towards the Earth.

Zorg's report from planet earth

2010-08-03T02:08:00.002+02:00

Av Hanne, 10c, 2002

Zorg has just got home from his misson on planet Earth, and he is talking to his commander. This is his impression of the Earth:

"Oh, what a planet! You should have been there yourself! I've never seen anything more extraordinary!

When I first entered the Earth's atmosphere, it was dark. It seemed like the Earth people had made a big blanket around their planet, a big, black blanket! Then, as I got out of this big cloud, I could see the ocean. It was blue and green...and black! It was as if they had decorated the sea with black shining painting. I also saw birds, seals ans whales bathing in this 'decoration'. What luxury!

On the southern side of the planet, there was this big awful forest, which I believe human-beings didn't like. That's probably why they cut it down and made big factories there instead. Then they could produce this black blanket, and that was much better!

I saw many animals over there! Some of them, I only sas a few of. I guess people didn't like these animals, so they killed them...they were most likely ugly anyway!"

Zorg's commander breaks in:

"But Zorg, don't you think that..."

With Zorg and his eagerness, it's not easy to stop him. He goes on:

"Earth people are real party animals! In some areas, they had really big fireworks. There were planes dropping big rockets that led to explotions and started huge bonfires! Incredible!

And, one day, as I was looking at the big cities, I saw something very interesting: To make their planet even more beautiful , they had decorated the ground with lots of small things in all colours and shapes. It looked a bit like bottles and newspapers, and other things like that...Well, actually...come to think about it...it was bottles and newspapers. And chocolate paper and plastic bags and chewing gum...garbage! Is that good?"

Zorg's commander wriggles himself, and with despair in his voice, he says:

"Zorg...I want you to go back to planet Earth. I want you to look at the same things again, and to think about it. Don't be too positive this time, Zorg!"

Zorg obeys his commander and goes back to the Earth to re-investigate the conditions there. Maybe this time he'll learn that gas- and oil leaks, animal deaths, cutting down the rain forest, killing endangered species, war and garbage pollution aren't good at all...?

Very good! You write well and correctly. 6.

Berre blåbær

2010-08-03T01:07:00.002+02:00

Eit par timars arbeid for seks og eit halvt glas blåbærsyltetøy. Snakk om å jobbe for maten. Mmm!

Bakken bakst og bringebær

2010-07-31T00:33:00.001+02:00

Mamma og eg kan droppe jobb og utdanning. No har vi endeleg funne vårt kall her i verda. Kan eg foreslå "Bakken bakst og bringebær"? Lerum og Nora, ta dykk ein bolle (eller eit ferskt ostehorn, kanskje?).

Ferie

2010-07-26T12:09:00.001+02:00

Torsdag blei eg ferdig med årets sommarjobb, og i helga har det vore fullt køyr med storebror på besøk. No er kofferten pakka for ein meir enn tre veker lang ferie. Turen går først til mamsen og papsen i Bergen, før vi reiser via Sogndal og heim. Der blir eg heilt til veslebror har blitt gift i midten av august. Men før det skal eg på sommarfesten på Giske til helga, gratis festival! Perfekt for ein summøring. Nokon andre som skal?

Andre ting eg har gjort i juli

2010-07-25T21:07:00.001+02:00

Vaska både opp og ned

Grilla med Kristine...

...og Ove


Hatt litt problem med vaffeljarnet

Vaska alle skap og skuffer

Gått tur med regnjakka på

I juli har eg....

2010-07-23T09:08:00.002+02:00

Laga grønsakssuppe med min nye favoritt, rosenkål

Byrja å jogge og konsumert proteinshake med jordbærsmak

Hatt marshmallows til frukost

Hatt besøk og drukke øl


Fått blomar av stesvigermor, og drept dei Kva har du gjort i juli?

Eg treng fagleg rettleiing!

2010-07-16T14:58:00.004+02:00

Til hausten er mitt nest siste semester i utdanninga, og mitt siste semester før masteroppgåva. Eg prøver å bestemme meg for kva fag eg skal velge, men ingen av moglegheitene roper umiddelbart "velg meg, Hanne!". Har du teke nokon av desse faga, og kan anbefale (eller ikkje anbefale) noko av dei? Eller kan du kanskje berre seie kva du synst ser mest interessant, lærerikt eller meiningsfylt ut? Eg skal fylle opp 30 stp, og mine alternativ er:

1. Teknologi og vitenskapsstudier 1. Synst det virkar spennande å skrive oppgåve innan enmnet "informasjon, kommunikasjon og kunnskap".

2. Teknologi og vitenskapsstudier 2. Verkar å vere meir retta mot teknologiutvikling, som har vore tema i fleire fag eg har teke tidlegare.

3. Medier, opinion og politisk adferd. Interessant, men eg er ikkje så opplyst innan politikk, og trur ikkje eg rekk å bli det på eitt semester?

4. Medieteknologi. Forstår ikkje heilt kva det går i, men mistenker at det inneber mykje teori om ting eg heller vil lære i praksis.

5. Gruppeprosesser, lagutvikling og deltakelse. Har dog hatt Eksperter i Team, og ser for meg at dette blir samme greia i ny innpakning.

6. Kultur- og mediesosiologi. Redd det blir for mykje analyse av svada (ikkje vondt meint mot sosiologane, altså!)

7. Mediedanning og mediepedagogikk. Born og media er jo ein ting eg kan interessere meg for om eg berre vil?

Sol sol...gå din veg?

2010-07-07T22:23:00.000+02:00

Eg blir så glad når sola skin. Berre å gå til bussen om morgonen blir kjekkare, og av og til går eg halvtimen heimatt når ho skin, eller tek ein kveldstur i sola seinare. Eg kan også sole meg på ein koseleg benk gøymt bak nokre tre ute på tunet. Eg har berre eitt problem...soleksem.

Små blemmer som hoppar fram på brystkassa etter korte minutt i sola. Er eg heldig kjem dei i panna òg. Raudt, stygt og irriterande. Eg er vel ikkje skapt for å ha brunfarge då, kanskje?

Sidan sist har eg...

2010-07-05T22:39:00.003+02:00

...fått nye briller.

...plukka blomar på vegen heim:

...og hatt besøk av veslebror og soon-to-be-svigersøster (det er det ein kallar ho som giftar seg med bror sin, sant?).

Kva har du gjort sidan sist?

Nummer 538

2010-06-16T18:23:00.002+02:00

Wæh, dagane går! Eg har jobba i tre dagar no, og er heilt gåen når eg kjem heim om ettermiddagen, trass i at eg stort sett ikkje gjer anna enn å sitte på ein kontorstol og vri hjerna. Veret i Trondheim er ikkje stort å skryte av for tida, så eg og Eirik kosar oss inne på kveldstid. Og der har du story of my life, liksom. Saknar førre veke, sol og Bergen og fantastiske venner.

Sånn ellers har eg mista blogglysta igjen. Inspirasjon, please?

Trondheim - Førde - Bergen - Trondheim

2010-06-13T19:13:00.001+02:00

Eg er attende i Trondheim etter heilt fantastiske dagar i både Førde og Bergen. Eg har hatt det så kjekt at eg ikkje orkar å snakke om det eingong. Eg var så sliten då eg kom heim i går ettermiddag, at eg nesten ikkje har gjort anna enn å sove sidan. I kveld skal eg lade opp til morgondagen, då startar eg nemleg i årets sommarjobb. Det blir spennande, for eg har ikkje peiling på kva arbeidet mitt går ut på, men vi kryssar fingrane for at eg får det til, gjer vi ikkje?

F to tha erie

2010-06-03T19:35:00.000+02:00

Ahh, då er den offisielle delen av sommarferien min i gang. I går hadde vi den avsluttande presentasjonen av forskingsoppdraget - vi gjorde det med stil og hala i land ein toppkarakter. Ubeskriveleg deilig å få god karakter på noko vi har lagt halve sjela vår i denne våren. Ikkje minst er det befriande med tanke på at denne oppgåva tilsvarar ei masteroppgåve, så då veit vi forhåpentlegvis kva det går i når vi skal sette i gong å skrive masteren neste vår. Sommarferien vart feira på NTNU si rekning, med god mat og flotte klassekameratar.

I dag tok eg med meg Eirik til optikaren, for å prøve heile brilleutvalet deira. Valet fall til slutt på eit par som ser litt meir 2010 ut enn dei eg hadde frå før. No gler eg meg faktisk til å bruke briller framover! Små gleder..
Seinare har eg svidd av enda litt fleire pengar hos frisøren, og no er kontoen oppriktig talt tømt. Måtte bruke felleskontoen for å betale frisørtimen..men hei, Eirik har då glede av min nye hårsveis, han óg? La oss seie det slik. No skal eg pakke ned livet mitt i ein koffert, og ta det med på ein laaang busstur til Førde i morgon. Der skal eg leike med vakre Ragnhild, før eg vendar nasa mot Bergen, kor eg skal innlosjere meg hos Åsa i nokre dagar. Kryssar fingrane for minst éin dag med sol!

The black book

2010-06-01T21:54:00.002+02:00

Sidan fredag har eg hatt notatboka mi som fast følgesvenn. Eg har notert ned nøyaktig kva eg får i meg av mat og drikke. Eg har vegd alt på matvekt, subtrahert, dividert, multiplisert, distrahert (?) og rekna ut nøyaktig kor store mengder eg et av kvar ein bidige ingrediens. Eg har plukka ut kvar enkelt grønnsak frå grønnsakssuppa, vegd tacofyllet og gjort presise målingar av antal gram smør på brødskiva.

Formålet er ikkje nødvendigvis å hjelpe meg sjølv - men å hjelpe mi kjære, flinke Kristin å førebu seg til eksamen på ernæringsstudiet. Samtidig har det gått opp for meg at dette er noko eg burde ha gjort for lenge sidan. Det eg har funne ut så langt, utan at Kristin enda har gitt meg tilbakemelding, er nemleg at eg til kvardags et altfor lite. Eg har benytta meg av dagsrapport-funksjonen på Vektklubben, slik at eg enklare skal kunne føre inn og halde oversikt over maten. Der får eg automatisk opp kor mange kaloriar eg ligg på, og resultatet viser at eg et for lite til kvardags - eg trudde jo det var heilt omvendt! Rart at eg ikkje berre søv heile dagen, grunna underskot på næring. Eg får satse på at resultata Kristin kjem fram til lovar betre, for ho kjem forhåpentligvis til å klare å gi meg tilbakemelding på vitamininnhald og liknande i kosthaldet mitt. Viss resultata der blir like ille, bør eg kanskje vurdere å bruke sommaren på å lære meg litt om kosthald, trur eg. Nokon andre som har hatt aha-opplevelsar når det gjeld kosthald?

Opp og ned

2010-06-01T14:26:00.002+02:00

Lav innsats frå meg her inne i det siste, gitt. Bloggarkivet mitt frå det siste året er ei endelaus berg-og-dalbane, med oppgangstider og nedgangstider i hutt og pine. Vel, det har nok samanheng med at eg gjer lite spennande om dagane. I løpet av den første veka av årets sommarferie har eg sørga for å bruke opp pengane mine på fysioterapi, legeutgifter og synstest. Tippar eg må til undersøkelse på sjukehuset óg, fordi fysioterapeuten ikkje anar kva som feilar meg (han kalte meg eit "mysterium"). Kontoen er snart tømt, verkeleg, men eg får forhåpentlegvis snart både lønn, feriepengar og pengar igjen på skatten, så då ordnar alt seg. Då blir eg rik! Hoho! Neida. Joda.

Ellers var det jo obligatorisk med mgp-fest på laurdag. Ove og Kristine var kjempenydelege:

Dei hadde heilt klart den beste utkledninga (og var vel også dei einaste som hadde kledd seg ut for anledninga). Vi snakkar brunkrem, paljettar og gresk framtoning. Vakkert!

Ferie

2010-05-24T20:37:00.000+02:00

Ferie byr på nedgangstider for bloggen...igjen. Eg har betre ting å gjere på no, forstår de. Som å vaske, vaske, vaske, vaske og...wait for it...vaske. Så med mindre de ønsker å høyre om dei enorme støvmengdene som gøymer seg i alle krokar i leiligheta, får de vente fint på at eg har noko betre å fortelle om. Ha ei fin veke så lenge!

Eksamen

2010-05-20T21:32:00.005+02:00

I dag tidleg lada SINTEF-gjengen opp til IT-eksamen med "det store IT-spelet", utvikla av Kristine. Eg vann ein omgang, og konkluderer dermed med at eg kjem til å få toppkarakter på morgondagens eksamen. Etter eit par omgangar bevega vi oss i retning Gløshaugen for å lokalisere eksamenslokala, før vi leverte forskingsrapporten vår til oppdragsgjevar og slappa av med ein is i sola. I kveld forsøker eg å halde på roa ved å sjå på tv og lese minimalt. I morgon klokka 13 har eg (uoffisielt) sommarferie!

Hoven

2010-05-19T12:06:00.000+02:00

I dag ser eg slik ut:

Passe hovne augelokk, altså. Det starta på søndag, forsvann (heldigvis) 17.mai, og kom tilbake i går. I dag tidleg fekk eg ikkje opp augene då eg vakna, dei var raude, hovne og samanklistra. Hurra for meg. Såg umiddelbart for meg at nest siste dag før eksamen måtte tilbringast på legevakta, men etter ein halvtime i telefonkø hos fastlegen fekk eg heldigvis ein time litt seinare i dag. I mellomtida forsøker eg å lese litt om teknologiutvikling med eitt auge. Good times.

17.mai, superkort oppsummert

2010-05-18T11:23:00.002+02:00

Frukost med altfor store mengder mat og kake:

Folketog og Star Wars:

Fin dag. Kva med din?

Dagens produksjon

2010-05-16T22:14:00.004+02:00

I dag har eg omsider lese til eksamen...ok, eg har i alle fall gått gjennom alle forelesningsnotatane, og framleis ikkje kome fram til at det er grunn til panikk. Eg har derimot vore langt meir flittig med å dyrke min nye hobby papirklipping, og laga ei flaggrekke som skal få bli med på 17.mai-frukost i morgon. I tillegg har eg sett saman ei vimpelrekke. Etter å ha saumfart leiligheta etter ein stad å henge den opp, enda den som pynt på skrivebordslampa. Ytterst naudsynt å pynte den, ja.

Men ikkje nok med det! Eg har dessutan laga lasagne til middag, og baka ei nydeleg gulrotkake til morgondagens feiring. Viss berre augelokka mine blir litt mindre betente enn dei var i dag morgon, og viss ikkje yr.no sine meldingar om regn slår til, så ligg alt til rette for ein nydeleg nasjonaldag. Gratulerer med dagen i morgon, alle saman! Håper alle får ein herleg dag!

For mykje feiring

2010-05-15T20:55:00.003+02:00

Dei siste dagane denne veka har eg brukt på å feire innlevert forskingsrapport, torsdag med delar av klassa og i går saman med "Team SINTEF" og våre respektive mannfolk på Solsiden. Har kanskje blitt litt vel mykje feiring og avslapping siste veka, eg har jo eksamen om 6 dagar, men vi har vore så flinke med forskingsoppdraget at det absolutt er fortent!
I dag har vi avslutta jobben som konfirmasjonsleiarar i Olavshallen. Veit ikkje kor mange gongar eg har sagt "Hei og velkommen" og smilt som berre det. Kjem til å ha gangsperre i smilemusklane i morgon! No har eg kome meg heim og teipa saman føtene mine (må slutte å kjøpe ubehagelege sko berre fordi dei er fine). Eg har hatt nydeleg sushi til middag, og jordbær til dessert, og no tenker eg å gjere eit forsøk på å opne IT-bøkene. Huff. Kan nokon vennligst gje meg nokre alvorsord og eit lite spark bak?

I går

2010-05-13T13:45:00.000+02:00

Skyfri himmel, en problemfri time

2010-05-12T14:43:00.001+02:00

Det er så fantastisk å tenke på at forskingsrapporten vår no berre manglar litt korrektur før vi leverer den til trykking i morgon, og at det berre er 9 dagar til eg får sommarferie. Vel å merke har vi ei muntleg framføring av forskingsoppdraget 2.juni, men det tél liksom ikkje. Dessutan har det vore nydeleg vêr i Trondheim i det siste, og eg har gått til og frå skulen omtrent kvar solskinsdag, og ikkje minst teke fri tidleg for å nyte sola. I dag er eg i så godt humør at alt rundt meg blir morosamt, og eg ler høgt av det meste. Good times, verkeleg! Har du det bra i dag?

Eg veit ikkje med deg...

2010-05-10T21:27:00.002+02:00

...men eg har i alle fall tenkt å handle litt analyse neste gong eg er på butikken. Og ja, der skulle stå ananas...

Det er slikt som skjer i eksamensperioden, det. Sit eg lenge nok med ei oppgåve i Word, byrjar eg dessutan automatisk å trykke Ctrl+s (for å lagre, altså) når eg til dømes skriv Facebookmeldingar eller blogginnlegg. Åsa fortalde i går at ho hadde skrive "Habermas" i søkefeltet på Spotify, så eg er tydelegvis ikkje den einaste som blir miljøskada av studiane. Fortel meg gjerne om dine morosame/keisame miljøskadar!

Nest siste søndag før ferien...

2010-05-09T21:57:00.002+02:00

...sov eg sånn passe lenge, før eg brukte to-tre timar på den reale eksamensreingjeringa (den skjer i november og mai kvart år). Eg har vaska do,vaska speglar, vaska dørlister, støvsugd golvet, støvsugd puter, støvsugd madrasser, kasta døde planter (bombe), skifta sengetøy, kasta papiravfall, vaska sminkekostar og vaska vasken. Berre eg som fekk Asgeir og Vaske sin "Vaskesang" på hjernen no?

Seinare har eg brukt litt tid på å lage ein pynteleg kommunikasjonsstrategi. I 20-tida var det på tide å tvinge ræva opp av sofaen og opp på spinningsykkelen, og no har eg nett kome ut av dusjen. Herregud, eg har verkeleg ikkje stort å melde, altså. Mitt største verdsproblem akkurat no er kva eg skal lage til kvelds, så eg utset det og ser på Poirot i staden. Håper de har hatt ein nydeleg søndag!

Konfirmasjonar i lange banar

2010-05-08T21:20:00.010+02:00

I dag måtte eg stå opp så umåteleg tidleg at eg byrja å grue meg allereie for to veker sidan. Klokka 06 ringde klokka, og då var det opp og hopp og på med finstasen. Halv åtte kasta vi oss på bussen i retning Olavshallen for å konfirmere eit par hundre ungdommar. Det var tre seremoniar i dag, Eirik hadde si gruppe på den første og mi deltok på siste. Når eg ikkje hadde eigne konfirmantar var eg vakt i vrimlearealet, og hjalp forvirra og altfor seine slektningar med å finne fram til riktig inngang og toalett. Elles har vi brukt mykje tid i sofaen med koselege folk, ete store mengder Twist og fått vonde føter og gnagsår. Det heile blir gjenteke neste laurdag, men då har eg heldigvis ikkje eigne konfirmantar, og slepp dermed å vere nervøs for kor vidt konfirmantane mine (eller eg, for den saks skuld) kjem til å drite seg ut på scena framfor 1100 tilskodarar.

I kveld slappar eg av med øl, sjokolade og nedtelling til ESC på NRK, og ladar opp til siste veka med rapportredigering. 13 dagar til sommarferie, og Hanne er ei glad jente! Heeerlig!

Det går bra nu

2010-05-06T14:22:00.000+02:00

I dag er ein langt betre dag, eg trur nok gårsdagens kviletid gjorde susen (eller det kan ha vore tablettane, men la meg no leve i trua på at snop kan gjere meg frisk). I dag tidleg plukka spreke, gravide Karina meg opp på veg til skulen, og så tusla vi i retning Dragvoll med solbriller på. Der var det tid for siste forskingsoppdragsseminar, samt diskusjon om våre fagvalsmoglegheiter for neste semester og planlegging av avslutningsfest etter framføringa av forskingsoppdraget. No har eg nasa godt planta i dataskjermen igjen (går det an å plante nasa i dataskjermen?), og skal jobbe godt med analysen fram mot siste studentrådsmøte seinare. Nokon som gjer noko meir spennande enn meg i dag?

Obligatorisk frikveld

2010-05-05T21:18:00.001+02:00

I dag har Karina og Kristine, mine to fantastiske samarbeidspartnarar i forskningsoppdraget, pålagt meg å ta ein frikveld. Dei siste månadene har vi jobba hardt og godt med å intervjue, analysere og utforme ein kommunikasjonsstrategi for eit prosjekt ved SINTEF Energi. Oppdraget vårt leverast til trykking neste fredag, men sjølve rapporten skal etter planen vere ferdig i løpet av denne veka. Det blir med andre ord mange timar med rapportskriving framfor dataskjermen, noko hovudet mitt openbart ikkje har vore nøgd med dei siste dagane. Så i kveld fekk eg altså streng beskjed om å gå meg ein tur, og slappe av resten av dagen. No har eg vore på den butikken som ligg lengst mogleg unna heimen i gangavstand, og brukt ein hundrelapp og to på snop, frukt og smoothieingrediensar. Dermed ligg alt til rette for kosekveld. Det synst eg jaggu meg at både eg, Kristine og Karina fortener!

Urutinerte rutiner

2010-05-04T15:02:00.003+02:00

Lese 1 side. Sjekke mail, lese bloggar, sjekke Facebook. Har då gått så lang tid sidan eg sjekka mail, at eg må gjere det ein gong til. Lese 2 sider. Sjekke mail, ei stund sidan sist. Sjekke Facebook og sjå etter bloggoppdateringar etterpå. Lenge sidan eg har sjekka mail, så eg sjekkar han på nytt. Les 1 side. Sjekkar kjøleskapet. Går på do. Lenge sidan eg har sjekka mail, så eg sjekkar han igjen. Lenge sidan eg har sjekka Facebook, kanskje har det skjedd noko no? Les 2 sider. Les bloggar. TV-pause med ein kopp te. Setje på vaskemaskina, drikke vatn. Lenge sidan eg har sjekka mail, må sjekke no. Sjekke Facebook samtidig. Lese 2 sider.

Dette skreiv eg på bloggen 13.november 2008. Det byrjar å bli ei stund sidan, men lite har endra seg når det gjeld mine arbeidsrutinar i eksamensperiodane. Denne gongen har eg i tillegg Twitter og eit diskusjonsforum på It's Learning som stadig må sjekkast for oppdateringar. For ikkje å snakke om yr.no, å herregud. Eg sjekkar ikkje berre veret i Trondheim, nei nei! Jo nærare eg kjem eksamen, desto oftare sjekkar eg veret i alle landets byar og utkantar. Ein må jo henge med! Berre ikkje i skulearbeidet...

Ein skulle ha budd i Bergen

2010-05-03T19:07:00.003+02:00

I Trondheim har vi kulde og nysnø. Det er på dagar som dette at eg saknar Bergen mest. Men hallo, no har eg faktisk klart meg fint her oppe i snart eit heilt år, TO semester av til saman fire. Om eitt år ligg verda for mine føter. Føtene er allereie førehandsprogrammerte til å vandre attende til Bergen. Ikkje eit einaste gnagsår skal få hindre dei i å kome seg dit.

Attende

2010-05-03T18:48:00.001+02:00

No tek eg fram bloggen igjen. Det er jo eksamenstid!

Og så er eg jo kjend for å ha litt for lite å gjere på...

Er det nokon som vil lese?

Synk

2010-02-11T16:20:00.003+01:00

Eg vel å avslutte denne bloggen no. Kanskje kjem eg attende, som eg ofte gjer, eller kanskje gjer eg det ikke. Kanskje startar eg etter kvart opp igjen ein heilt ny stad.
Eg har ikkje hatt mykje å skrive i det siste. Lokalavisene ser ut til å ha teke til seg min kritikk, og eg kjøper ikkje lenger meiningslaus hårpynt eg kan vise fram. Eg har ikkje ein gong for mykje skulearbeid eller andre verdsproblem å syte over! Difor vel eg altså å avslutte dette på ordentleg vis, i staden for at bloggen berre blir ståande åleine, som om han var gløymt og forlatt langt der ute i cyberspace. Etter fire og eit halvt år synst eg han fortener ein verdig avskjed. På gjensyn, bloggen. På gjensyn, blogglesarar!

Tulla!

2010-02-07T23:46:00.001+01:00

Der lurte eg dykk godt, for eg fekk ikkje tid til å skrive innlegg i helga likevel. De får krysse fingrane for at eg klarer å blåse liv i bloggen i løpet av veka, for no byrjar dette å bli for dumt. Kan ikkje halde fram med slike teite innlegg meir. Eg får snart bestemme meg for om eg (eller bloggen då) skal synke eller symje, som Gaute ville sagt. God natt!

Jada masa

2010-02-05T10:06:00.001+01:00

Eg lovar å oppdatere dykk på det svært så spennande livet mitt snart, altså. Etter i dag får eg endeleg ei etterlengta frihelg, det vil seie ei helg kor eg ikkje MÅ nokon ting som helst. Den skal sjølvsagt brukast på å rydde, lese og skrive ei aldri så lita innlevering. Kristine har beskrive denne innleveringa ganske godt, så det treng ikkje eg gjere. De høyrer frå meg snart!

Mi verd roterer rundt dette

2010-01-26T12:20:00.001+01:00

Nokon som gjer noko kjekkare enn å skrive rapportar for tida?

Bryllaupsplanleggaren

2010-01-24T17:45:00.005+01:00

No har eg endeleg klart å legge inn att alle dei gamle filene som forsvann frå dataen i romjula, og livet er under kontroll igjen (ja, eg tør hevde at livet mitt i stor grad består av det som ligg lagra på dataen min). Dermed kan eg vise dykk den nydelege kvinna som gifta seg med ein nydeleg mann i ein nydeleg kjole, og som seinare fekk ei nydeleg datter, som no planlegg å gifte seg med ein nydeleg gut i den samme nydelege kjolen. For i jula fann vi endeleg brudekjolen vi har leita etter i to år! Eg fekk prøve han på, men merka fort at eg framleis ikkje er heilt gifteklar (glidelåsen gjekk ikkje opp, men eg gret ikkje for det, mor mi var truleg minus åtte kilo då ho gifta seg). Difor inngjekk eg ein avtale med Eirik (les: eg fortalde Eirik at "dette har eg bestemt") om at eg skal prøve han på kvar gong eg kjem heim, og at den dagen glidelåsen går igjen, skal han fri...

...no har eg eit heftig slankeprosjekt foran meg. Ønsk meg lukke til, eg burde vere gift innan eg fyller 30!

Prosa

2010-01-21T17:37:00.016+01:00

Ho har på seg hatten i dag, og kjem inn. Rettar litt på den, litt meir til venstre, speglar seg i vindauget. Det bles kraftig ute. Eit upraktisk val, litt uvanleg. Kunne kanskje droppa den? Tenk om, kva viss. Ser dei på meg?

Han skal på fest, dei andre skal óg. Stig opp, kjem inn, viser kortet. Det er fullt, han ser seg om, går bakover. Smiler forsiktig til halvkjende fjes. Ingen ledige seter? Kiker på ho, spør om han får sitte. Forstår ikkje språket, men set seg likevel, tek posen i fanget. Rimi. Skulle gjerne ha sete ein annan plass.
Ser ho på meg?

Ho leitar i veska, kan ikkje finne den. Herregud, kvar er den? Famlar i veska, sjekkar i lommene. Alle må vente. Èi krone, fem kroner, sju, åtte, ni, ikkje nok. Dei ventar framleis, kom igjen! Varmt, raudt. Neivel, stig av, ha det. Neste kjem om 10 minutt.
Såg dei på meg?

Blåmandag

2010-01-18T18:54:00.004+01:00

I dag er faktisk den offisielle blåmandagen. Det merka eg umiddelbart då eg vakna like før 8 i dag, kom for seint på skulen fordi eg ikkje rakk bussen og i tillegg måtte gje tilbakemelding på andre grupper sine presentasjonar av teoriar eg verkeleg ikkje klarte å konsentrere meg om så tidleg ein mandag morgon.
Det er andre veka av Eksperter i Team, nest siste for mi gruppe sin del, og innan fredag om ei og ei halv veke skal vi ha produsert to rapportar på til saman 60 sider, samt eit produkt i form av ein fancy presentasjon om vårt økovisualiseringsprosjekt. Treng vel ikkje presisere at vi så langt ikkje har produsert ein drit...
Eg orkar ikkje tanken på å gå gjennom fleire samarbeidsøvingar, og er lei av å diskutere diskusjonane for å få noko å skrive i rapporten. Kvar gong vi tek ei avgjerdsle, må vi notere ned nøyaktig korleis vi kom fram til den, kven som meinte kva og kva vi lærte av dette. Galskap! Heldigvis ringte Kristin med den gledelege nyhenda at ho planlegg å besøke meg i løpet av februar. GLEDE!

Same procedure as last year, please!

2010-01-16T00:01:00.005+01:00

Hah, mitt førre innlegg, kanskje det minst innhaldsrike av dei alle, var faktisk innlegg nummer 500! Det burde eg ha fanga opp, og feira med kake. Oh well. Mine mest observante lesarar har kanskje forstått at det aldri kjem til å kome ei oppsummering av 2009. Eg lovar å gjere det godt igjen - korleis kan du få bestemme. Hit me! Eg lovar å oppfylle alle ønska de måtte kome med innan år 2015 (må sette realistiske mål, merkar eg).

Årsaka til at eg ikkje gidd å oppsummere 2009, er at eg er lat og lei av bloggen. Det hindrar meg likevel ikkje i å tenke tilbake på kva eg gjorde for nøyaktig eitt år sidan. Då hadde eg nemleg meldt flytting til Oslo, sånn på deltid i alle fall, og gjorde berre fantastisk morosame ting. Viss du ser vekk frå at vi stod opp klokka 06 kvar morgon, at vi fekk kjøttpudding til middag, at vi måtte følge rigide folkehøgskulereglar og opplevde det verste snøkaoset i Oslo på 40 år, meiner eg. Studiestartgjengen, eg saknar både dykk og å sitte i baksetet på turnèbilen og synge Maria Mena-songar med forferdeleg intern studiestarthumor! Eg vil tilbake!

Neida

2010-01-02T13:45:00.001+01:00

Det kom altså ikkje noko oppsummering før 2009 vart fortid. Men dette løftet skal eg halde: Det kjem før 2010 er over!

Travel jul altså

2009-12-29T18:54:00.000+01:00

Hei hei hei, eg veit eg er forferdeleg dårleg til å halde det eg lovar på bloggen, men det kjem, det kjem, eg har berre så masse å gjere. Til dømes har eg nett vakna etter å ha sove ein time på sofaen, og no er eg nøydd til å ete gulrotkake, før eg skal leike med Kristin, som diverre returnerer til Bergen i morgon. Oppsummering dukkar opp når de minst ventar det, forhåpentlegvis innan dette året er omme.

Andre dag jol

2009-12-26T13:01:00.000+01:00

I går sette eg i gong med ei oppsummering av året som har gått. Det gjekk fint det, heilt til eg skulle laste opp bilete og oppdaga at heile den eine harddisken på dataen min var bortebortebortebort! Eg fekk nemleg datatrøbbel for eit par dagar sidan, maskina ville truleg ta juleferie den óg, men vi klarte å få den på til slutt. Vi merka berre ikkje at alt var borte. Eirik er heldigvis ein kompetent handyman, og fiksa heile skiten, så no har vi teke backup av alt, og ingenting har gått tapt. Eg tok backup då eg fekk Almaasen min i september, så det var ikkje så mykje viktig som kunne forsvinne, men eg skal heilt klart bli flinkare til å gjere det regelmessig. Det får bli eit nyttårsfortsett. Første del av oppsummeringa mi kjem forhåpentlegvis i løpet av dagen, om dataen vil.

Good times

2009-12-19T20:15:00.000+01:00

God morgon, Bergen!

2009-12-16T09:14:00.000+01:00

Flyet til Bergen i går kveld var sjølvsagt forsinka, og vi var ikkje framme her før rundt 00.30 i natt. No har eg stått opp og teke ein dusj på Kristin og Anders sitt kjøkken (...) Eirik har for lengst gått for å ha sitt siste møte med SiB (trur eg). Sjølv skal eg snart ut for å forsøke å kjøpe nokre julegåver, må berre vente til håret har tørka. Hårfønaren min er nemleg knekt. Mhm. Og så skal eg vente på at Ragnhild får ferie. I kveld skal vi sjå Are Kalvø oppsummere 2009 (nett som eg såg Are Kalvø oppsummere 2008 i fjor). Eg gler meg!

Livsteikn

2009-12-13T20:23:00.000+01:00

Eg har ferie. Eg trudde aldri denne dagen skulle kome, men no har eg det. Ferie.
Eg nyttar den til å vaske ned leiligheta.
Sidan sist har eg skrive 23 sider om korleis eg kan undersøke om media er med på å forme folk sine haldningar til NAV. Eg har skrive 10 sider, ikkje meir og ikkje mindre, om intern kommunikasjon, og 7 sider om kyberkulturstudiar og kor vidt anonymitet på nett er faaarleg. Og no, no har eg ferie. Og eg nyttar dagen til å vaske.

Rediger profil

2009-11-21T12:20:00.000+01:00

- 23 år og masterstudent i media, kommunikasjon og informasjonsteknologi ved NTNU. Sambuar med Eirik i ein ombygd låve. Rettskrivingsnerd og nynorskbrukar med planar om å ein gong i framtida ta over verda og vise folk kva rettskriving verkeleg er.

Ingen nye oppdateringar

2009-11-10T23:44:00.001+01:00

Eg observerer at trufaste lesarar framleis er innom dagleg i håp om oppdateringar. Eg kan diverre melde om travle tider, og for første gong på fleire år verkar ikkje stresset positivt inn på antal blogginnlegg. Eg skal likevel ikkje legge ned bloggen denne gongen, haha, men eg melder om at det blir eit aldri så lite opphald her inne ein periode. 8.desember tek eg forhåpentlegvis eksamen i medieteori OG leverer oppgåve om internkommunikasjon, før eg 14.desember satsar på å få levert heimeeksamen i metode. Først må eg berre skrive om heile innleveringa eg leverte førre veke, og samstundes forsøke å halde meg sjølv oppegåande og i live. Og så må eg kurse konfirmantar i menneskerettar, og skrive ein artikkel. Så kjære lesar, med mindre du vil følge meg på twitter, snakkast vi ikkje att før eg har fylt 23 og reist på juleferie til Bergen.
Ha det finare enn meg i november!

I sunnmorsvinden

2009-10-27T23:29:00.001+01:00

Takk, takk, TAKK til deg som fann ut at Vestlandet treng ei fleirkulturell avis som tek avstand frå bruk av bokstaven Ø; sunnmorsvinden. Eg håper de vil bidra til masse eg kan skrive om på bloggen i framtida. Orsak, eg meinte i fram tida. Lukke til!

"Sunnmorsvinden er ei ny etablert internett avis. Vi oppdaterer alle lokale, landets og verdens nyheter hverdag.. sunnmorsvinden ble etablerte i 2009, vi vil fungere som en fler kulturell nyhets kanal. Hovedkontoret vårt ligger på Hareid. Redaksjonen er sunnmorsvinden liberal og partipolitisk uavhengig. Vi er vestlandets første fler kulturelle avis. "

Dei skrå breidder er fulle av tornar

2009-10-21T12:30:00.004+02:00

Vikebladet skreiv i går at stand up-showet til Roar Brekke, som skulle gått i Herøy kulturhus laurdag, vart avlyst grunna ingen selde billettar. Etter å ha skrive saka, er skribenten likevel ikkje heilt nøgd. Saka manglar noko. La meg, tradisjonen tru, sjå for meg redaksjonsmøtet i forkant av at saka vart lagt ut:

- Ååå, saka mi er så keisam. Kan vi ikkje fargelegge den litt?
- God idé! Vi slenger med eit ordtak! Kva med "dei skrå breidder er fulle av tornar"?

Kva er det eigentleg de prøver å formidle, Vikebladet?

Eg såg for øvrig Roar Brekke i Bergen for tre veker sidan, og eg kan opplyse herøyværingane om at han er heilt fantastisk. Så no kan de sitte der med skjegget i postkassa.

Det huset, du veit

2009-10-20T16:44:00.026+02:00

Takk til Silje for tips om fantastisk sak i Bømlo-nytt. Lokalavisa i Eirik si heimkommune går tydelegvis ikkje av vegen for å gje lesarane sine svært nøyaktige forklaringar på kor hendingane finn stad:

(trykk på biletet for å lese teksten)

Miljøvern FAIL

2009-10-19T11:00:00.004+02:00

Dette er miljøforkjemparane sine, det. Eg tillet meg å sjå for meg opphavet til dette prosjektet òg (fritt omsett frå indisk):
- Rajasekran, vi må kjempe for miljøet!
- God idé, Tangavelu! La oss bli heilt like i utsjånad, så køyrer vi verda rundt for miljøet!

Du store alpakka

2009-10-18T00:36:00.006+02:00

Som lova, berre litt forsinka, skal eg vise fram den første alpakkaen på Sunnmøre. Det er ikkje ein alminneleg alpakka, å nei du, for denne heiter Johanna, og er mørk og eksotisk. Klart Vikebladet må lage sak om henne då. Alpakkaen er for øvrig lokalisert hjå "Alpakka Norge" i Hornindal. Originalt. Eg ser for meg korleis organisasjonen blei til:
- Du, vi lagar ein organisasjon då. Vi kan importere alpakkaer.
- Ja, god idé! La oss kalle oss Alpakka Norge!

Apropos alpakkaer. Anders, mannen som ifølge Helen Vikstvedt er betre enn materialet sitt, klagar over at han ikkje har fått omtale på bloggen, trass i at han og Kristin var slike fantastiske husvertar under delar av mitt Bergensopphald. Så Anders: Takk for at det stod smør på bordet medan eg gjesta dykk! Om eg nemner deg i dette innlegget fordi du er ein alpakka, eller fordi du er mørk og eksotisk, får du sjølv avgjere.

Eg er attende (bombe #1) for å kritisere media (bombe #2)

2009-10-15T23:25:00.004+02:00

Eg klarer ikkje halde meg lenger. Media, både lokale og regionale, byr på så mange godsaker som så absolutt fortener merksemd, og i dag vil eg presentere ei av BA sine fantastiske saker:

For dei som ikkje har fått med seg saka, døydde skipsreiar Atle Jebsen frå Bergen i ei bilulukke tidlegare denne veka. Avisa finn det tydelegvis verdt å påpeike at dødsfallet kom som eit sjokk på sonen. Kva forventa dei, at han skulle vere førebudd på bilulukka, kanskje?

I morgon: Saka om den første svarte alpakkaen på Sunnmøre.

Tenkte berre eg skulle seie ifrå

2009-10-11T16:33:00.000+02:00

Eg vil ikkje skrive for tida, og eg tenkte berre eg skulle seie ifrå. Eg veit ikkje når eg kjem attende, eller om eg kjem attende (men det gjer eg nok, som vanleg). Treng du meir informasjon om livet mitt, får du få tak i den på gamlemåten. Resten får ha ein fin haust så lenge!

På gjensyn!

2009-09-29T22:45:00.004+02:00

Det er på tide å reise attende til Bergen, i det minste for nokre dagar. Eg reiser i morgon, og fær vidare heim til Ulsteinvik på mandag. Eg er tilbake i Trondheim om ei veke og litt til, sjølv om eg aller helst skulle ha blitt igjen der nede på Vestlandet.
Oh well. I løpet av den neste veka, skal eg rekke å sjå stand-up og Bergen Impro Laug, eg skal tilbringe tid på den gode, gaaamle lesesalen på realfagsbygget, eg skal ete sushi på Itchiban, drikke smoothies frå FruktBar og besøke gamle kolleger på Akvariet. Og så skal eg sjølvsagt leike med alle dei fantastiske folka! Heime skal eg kose meg med mamsen og papsen, og forhåpentlegvis få helse på ein splitter ny verdsborgar. Å, eg gler meg!

Endeleg turist i Bergen igjen, nett slik Ragnhild og eg var i sommar. Turistdagen den gong vart vel å merke noko amputert...grunna regn. Didn't see that coming!

<3lig hilsen Jon

2009-09-26T15:53:00.002+02:00

Eg skreiv for nokre veker sidan at Eirik hadde fått pakke frå Jon Almaas. Nei, Kristin, det var ikkje eit konfidensielt brev med spørsmål om kor vidt du er singel, eller ein førespurnad om å ta over for Knut Nærum i Nytt på Nytt, slik mamma tippa. Det var heller ikkje ei signert utgåve av boka "Slik blir du husets herre", som Isabel trudde, men det var ein liten og søt PC. Til meg. Som Jon Almaas har trykt på, med dei flotte, morosame hendene sine. I pakken låg det dessutan ein lapp. Til meg. Som Jon Almaas har skrive, med dei flotte, morosame hendene sine. Har du nokon gong fått ei så fantastisk gåve? Neppe.

I'm so sorry...

2009-09-22T17:57:00.001+02:00

...men eg finn rett og slett ikkje tid til å sette meg ned å blogge for tida. Brått har eg nemlig innsett at eg snart er halvvegs i semesteret, og at eg har nokre tusen sider med medieteoriar og analysemetoder å lære. Eg forstår ingenting, men forsøker å minne meg sjølv om at eg er ei sterk og sjølvsikker kvinne som skal klare dette. Eg lovar å skrive noko kjekt til helga, kors på halsen. Fram til då kan du kanskje foreslå noko eg skal skrive om, eller stille meg eit spørsmål? Køyr på!

Sterk og sjølvsikker, ser du.

Busy woman

2009-09-16T20:23:00.003+02:00

Eg er busy woman denne veka, med framføringar, artikkelskriving, lesing og korrekturlesing i hutt og pine. Dessutan skal eg på kurs kvar einaste dag resten av veka, for å lære meg korleis eg skal bli den beste borgarlege konfirmasjonsleiaren i verda. I dei mest travle periodene har eg forferdeleg lyst til å berre gi opp, og då ønsker eg at alle dagar berre såg slik ut:

Det gjer dei dessverre ikkje, og det får eg berre finne meg i at dei ikkje gjer. I alle fall ikkje før om 40 år. Grøss.

They don't seem to wanna come back any more

2009-09-13T03:55:00.001+02:00

Denne songen høyrde eg for første gong av ein mann som forsvann frå familien sin ikkje lenge etter. Det tenker eg på kvar gong eg høyrer den. Mannen skrudde opp lyden, og sa at dette var ein fin song. Meinte han noko då han sa det, kanskje? Eg trur eg tenker for mykje.

Post frå Jon Almaas

2009-09-12T16:21:00.004+02:00

Det kjekkaste som finst er å opne postkassa og finne ein hentelapp frå Posten som viser at Eirik (drømmemann nr.1) har fått pakke frå Jon Almaas (drømmemann nr.2).

Kvifor, seier du? Du får gjette.

Dagens Næringsliv 2013?

2009-09-12T02:11:00.000+02:00

Mitt bidrag til Isabel sin konkurranse.

Eg har brukt stemma mi!

2009-09-10T22:52:00.001+02:00

I dag har eg gjort mi plikt som god borgar skal gjere, og levert mi stemme til stortingsvalet 2009. Då får eg berre seie "heia den som vinn!" (så lenge det ikkje er FrP), og likar eg ikkje resultatet har eg i det minste rett til å klage.

Har du brukt stemma di?

All grey

2009-09-09T22:40:00.011+02:00

Grått kan stå for noko som er keisamt og gjennomsnittleg. Me snakkar om den grå kvardagen, om ein keisam eller usynleg grå person. Grått kan stå for depresjon og einsemd. Hausten med mykje skodde og regnvêr blir omtala som ei grå årstid med triste grå dagar. (Wikipedia)

Triste og grå dagar. Regn ute, døde planter inne. Til og med alt undertøyet til Eirik er grått! Tips til kva ein kan gjere for å fargelegge haustdagane litt?

Endeleg får ein tak i dyremat på søndagar!

2009-09-08T16:53:00.002+02:00

Eg ser fram til å følge debatten blant grå mus og stive stokkar i Ulsteinvik framover. Ikkje berre får heimstaden min øl i butikk (!) om ein månad, men no skal Kiwi halde ope på søndagar òg. Danger, danger! No står ikkje verda til påske.

Regionsjefen i Kiwi imponerer for øvrig, og skryt av eit overraskande stort vareutval: "Ein kan finne alt ifrå mjølk og brød, til frukt og dyremat". Og dyremat er viktig, for "det viser seg at folk ofte kjøper dyremat på søndagar".
Jaha, ja. Interessant.

Elende

2009-09-05T13:13:00.006+02:00

Eirik og eg er begge sjuke på tredje dagen. I dag var eg fast bestemt på å friskmelde meg sjølv. Eg er dritlei av å sjå på tv, spesielt når vi berre har tre kanalar. Eg orkar ikkje meir trøystegodteri, og vil ikkje lenger sove like lenge som kroppen min ønsker.

Eg skulle vere frisk. Så eg sette meg på spinningsykkelen. I fire minutt, kanskje berre tre. No har eg så tette øyre at eg trur hovudet snart eksploderer, halsen svir meir enn den gjorde før eg valde å friskmelde meg på denne geniale måten, og den dusjen eg planla å ta trur eg blir utsett enda ein dag. Eg får ta fram igjen godteriet, slenge meg på sofaen, og sjå enda meir på gamle episodar av elendige amerikanske tv-seriar frå 90-talet. Eg føler meg som verdas verste person. Eg er elendig og fæl, og håret mitt kunne du ha smurt på brødskiva di. I dag hatar eg livet.

Send meg eit trøystande ord, er du snill!

Akkurat no...

2009-09-03T23:16:00.003+02:00

...har eg forferdeleg lyst på "full tank" frå FruktBar og take-away sushi frå Itchiban. Saman med Ragnhild, Kine og Kristin. I Bergen. Kan ikkje nokon berre gi meg det?

SOS VAL!

2009-09-01T23:45:00.010+02:00

Eg treng hjelp! Straks er det stortingsval. Førre gong var i 2005, eg var 18 år og 10 månader gammal, og nytta ikkje stemmeretten min. Det har eg tenkt å gjere godt igjen.
Eg var klar til førehandsstemming eg, for fleire veker sidan. Tok med meg valkortet til byen, og skulle gjere mi plikt som borgar. Så kom eg på at eg ikkje har peiling på kven eg skal stemme på.

Så no sit eg her og ber om hjelp. Eg har laga ei avstemming til høgre, la oss kalle det eit prøveval. Kan du vennligst gi di stemme, og legge igjen minst tre gode grunnar til at eg bør stemme som deg? "Miljø, helse og utdanning" nyttar ikkje, det er dei tre orda som går igjen på stort sett alle aktuelle parti sine nettsider. For ja, eg har prøvd å sette meg inn i det, og eg har gått gjennom det lettlesne partiprogrammet til Ap som Kristine fekk på gata, kor dei ramsa opp grunnar til at eg skal stemme på dei, og avslutta med "alt dette skal være fett". (Ap - skaff dykk ein betre korrekturlesar, ellers får de ikkje mi stemme!).

Observante lesarar ser kanskje at somme parti er utelukka. Det stemmer. Eg går ut ifrå at ingen av dykk hadde tenkt å stemme på dei andre likevel. Eller?

I'm sorry, but no.

31/8-09

2009-08-31T17:42:00.000+02:00

Eg trudde kvelden skulle bli perfekt, då eg såg at Grey's Anatomy kjem tilbake på skjermen i dag. Det var før eg kom på at eg såg dei første episodene av sesongen på nett då eg var sjuk tidlegare i år. Eg lovar, eg skal aldri meir laste ned ei einaste episode før den kjem på tv! Snakk om å øydelegge moroa!

Oh well. Jobbintervjuet på fredag gjekk så bra (eg fekk jobb, hurra) at eg måtte feire med å kjøpe gåve til meg sjølv. På Kremmerhuset fann eg denne herlige muffinsen, som eg skal oppbevare smykker eller liknande i. Og så kjøpte eg eit stettfat. Eg ser for meg at det blir bra til kaker. Problemet er berre at eg ikkje et kaker ofte nok! Luksusproblem, eller kva?

3/4-94

2009-08-28T21:50:00.010+02:00

Eg går ikkje ut med side 16 i dagboka mi, sorry Isabel, men eg kompenserer med å publisere side 2. Med dette knuser eg alle illusjonar om at eg alltid har vore eit rettskrivingsgeni, om at Kristin alltid har vore mi beste veninne...og om at eg alltid har vore heilt god. Vær så god, side 2:

"Kjæræ dagBok. I dag kåm vi Heim. Eg møtte Beste venninda mi da eg kom Heim. Ho Heiter Sunniva, eg kallar Ho berre sunni."

Fingers crossed

2009-08-27T22:55:00.007+02:00

Ah, det er jo straks helg igjen! Eg avsluttar veka med jobbintervju i morgon. Får eg den, blir det ein liten sidejobb fram til våren, og saman med skribentjobben eg har fått kan det i grunnen bli heilt perfekt. Kryss fingrane for meg!

Velkommen til meg!

2009-08-26T20:15:00.006+02:00

Det har vore ytra ønske om bilete frå leiligheta vår, så eg legg ut eit over middels elendig bilete frå stova/kjøkkenet vårt. Vi har mange fleire rom (i alle fall to), men dei får du ikkje sjå før du kjem og besøker meg. Legg igjen ein kommentar for å bestille rom. Hihi:)

Kose eller kvele?

2009-08-25T21:40:00.011+02:00

Eg kom over Sonen på fjernsynet seint i sommar, eit konsept som nærast får meg til å miste trua på menneskeheta berre fordi det eksisterer. Og at karen med den snodige dialekta på skjermen må opplyse om at "Madonna er feil", i konkurransen kor svaret heilt openbart er SOPP, gir meg meir tru på intelligent liv på Mars enn på jorda. Men så har du denne unge guten som driv det heile, han som smiler, som dansar og som mimer så fabelaktig energisk at eg ikkje riktig veit om eg vil klemme eller kvele han. Hallo, sjå på guten då!

Kva trur du, kose eller kvele?

Ønskeinnlegg

2009-08-24T22:18:00.007+02:00

Ok, seriøst. Eg har ingenting å skrive om. Eg er på skule nokre timar om dagen, lagar mat til faste tidspunkt og vaskar fellesgangen to gonger i veka (eg veit, ille, men det får eg skrive om ein annan gong). Eg lever eit heilt standard A4-liv. Eg har ikkje ein brunfarge som Bea å skrive om, får ikkje like mange hatkommentarar som Ida Wulff eg kan syte over, og er langt ifrå 16 år, mamma, forlova og lukkeleg som Linn.

Og likevel les du bloggen min.

Som takk for at du gidd, skal du få ønske deg eit blogginnlegg. For det må vel vere noko du lurer på? Korleis såg rommet mitt ut då eg flytta heimanfrå, kva står i baderomshylla mi, kvifor har eg ei utskrift av ein rosa bil på korketavla mi, kva likar eg best av kylling og kalkun, kva står på side 16 i dagboka mi. Nei, stryk den siste. Kom igjen, køyr utfordring!

Slik såg rommet mitt ut like før eg flytta heimanfrå. Åjada.

Verdal'n!

2009-08-23T22:43:00.008+02:00

Vi var oppe umenneskeleg tidleg i dag, for å ta toget til Verdal'n. Nei, ikkje for å prøve lukka i Lotto, men for å besøke Eirik sin far. Vi har altså brukt fleire timar av denne fine dagen på å ta tog, buss, tog, tog, buss og tog (ein del av togbana var stengt, mhm), i godt lag med jenta med irriterande lav terskel for høglydt latterkrampe og ei litt rar ei med svineinfluensa. Elles var turen flott. Eg har truleg ete mat og kaker tilsvarande 70% av eiga kroppsvekt. Flaks at eg har fire magar, og at tre av dei er til kaker. I morgon tidleg ventar to timar med undervisning i metodefag, og med tanke på at eg brukte halve førre natt på å veive med armane på dansegolvet på BrukBar, er det truleg på tide å sove snart.

Denne veka skal eg skrive artikkel om musikkstudiar i utlandet. Bevare meg vel. Skal du gjere noko utfordrande denne veka?

Du veit det er kjærleik når...

2009-08-22T15:50:00.008+02:00

...han lagar deg eit hjarte av lysdiodar, batteri og andre ting eg ikkje ein gong veit kva ein kallar. Ingenting er betre enn å ha ein kjærast som er elektronikknerd.

Kva er det kjekkaste du nokon gong har fått?

Hei igjen

2009-08-20T21:33:00.007+02:00

Eg stengte bloggen, eg. No er den open igjen. Skal slutte å vingle no. Trur eg. Men eg har framleis ingenting å skrive om, og vil helst ikkje skrive dagbok, så om eg skal halde fram ønsker eg meg fleire kjekke, søte ord, tips, hint og vink frå dykk. Og det gjeld ikkje berre Kristine og mamma. Det gjeld heller ikkje berre for dette innlegget, det gjeld alltid. Eg likar at du seier "HEI HER ER EG, OG EG LES BLOGGEN DIN, HANNE. DEN ER DØDSBRA". Du kan til og med skrive at den er SUPERDÅRLEG. Så lenge du skriv det. Det ønsker eg meg. For i morgon er eg 22 år og 9 månader gamal, og har i tillegg tre og eit halvt-årsdag med Eirik. Og Eiriken har dessutan bursdag i dag, han blir vel omtrent tre og eit halvt han òg. Det var dei beste grunnane eg kom på for at du skal skrive ein kommentar. Kanskje ikkje i dag, men gjerne ein annan dag, og ein dag til i tillegg. Og så igjen. Og så vil eg at du skal halde fram med det. Då blir eg glad. :)

Koz og klemz til fine kjærasten i dag.

Og P.S. liksom: Det går an å trykke her og legge meg til på Bloglovin'. Det funkar veldig fint, du kan følge alle bloggane du likar, så slepp du å sjekke innom kvar enkelt blogg for å sjå om det har skjedd noko.

Sånn, då var det sagt. Tilpass - innstillinger - hvem kan lese denne bloggen - HVEM SOM HELST! Velkommen igjen!

Hanne, du har flytta no

2009-08-17T14:06:00.004+02:00

Du har liksom ikkje heilt klart å lausrive deg frå gamlebyen, når du dagleg sjekkar innom Bergens Tidende før du les Adresseavisa. I tillegg sjekkar eg studentmailen min ved UiB før eg opnar min nye mail ved NTNU, og så går eg automatisk inn på studentportalen ved UiB i staden for "innsida" til mitt nye universitet. Eg har akkurat slutta å lese stillingsannonser frå Bergen, og prøver hardt å innsjå at eg skal bli her, ikkje i Bergen, dei neste åra. Pia foreslo utveksling til Bergen neste år. Kor kan eg søke?

Reise til Kina

2009-08-16T19:13:00.002+02:00

I natt reiste eg til Kina. Flyreisa tok berre fire timar, og var over på eit blunk. I Kina, som då brått hadde blitt til Hawaii (takk til Pia for at du påverkar draumane mine) bada eg med delfinar, men blei ikkje våt i håret. Det blei eg derimot då eg skulle gå heim, og det byrja å regne. Då var det bra at eg kunne stikke innom ein gammal nabo for å tørke meg. Vel å merke utan at naboen visste om det, så eg måtte liste meg ut derifrå. På dette tidspunktet var eg altså attende i heimbygda, og det sludda, så eg kjøpte meg nye sko. Lilla, i semska skinn. Eg fekk ikkje brukt dei stort, for sidan flyreisa til Kina hadde vist seg å vere så kort, bestemte eg meg for at eg ville ut å reise igjen. Då Eirik vekte meg i dag tidleg var eg i full gang med pakkinga, og måtte sove berre litt lenger for at eg skulle få pakka kofferten ferdig. Og så vakna eg klokka 13, heilt utmatta. Det tek på å reise så mykje!

Så fin du var idag!

2009-08-14T15:53:00.002+02:00

Det var visst ikkje så lett å ta bilete av det, men eg vil berre vise kor kjekk spegelen min er med meg. Gir meg kompliment kvar einaste dag!

Hipp hipp hipp

2009-08-14T11:45:00.004+02:00

Hurra for Ragnhild som fyller heile einogtjue år i dag! Eg skulle ønske eg var i Bergen for å feire dagen. Eg håper det finst like hippe folk som deg i Trondheim som vil gjere kvardagen min betre, nett slik du har gjort i Bergen det siste året! Hurra hurra hurra!

Alle lesarar, sei gratulerer til Ragnhild!

Lokalnyhende

2009-08-13T16:43:00.010+02:00

Det er på ytre søre Sunnmøre det skjer. I Hareid har ikkje gatelysa betalt rekningane sine...

...i Herøy skal Høybråten vitje snurparen...

...og Fatmir (hehehe) frå Makedonia får for tida lov til å trene saman med 4.-divisjonslaget Bergsøy. Heldiggrisen!

Bolla pinnsvin

2009-08-13T14:30:00.004+02:00

Eirik måtte følge meg til infomøtet med masterklassa i dag, akkurat som om eg var 6 år og på veg til første skuledag. Eg hadde nemleg eit forferdeleg mareritt i går, om at eg ikkje klarte å finne fram til rommet eg skulle møte i. Det er ikkje berre-berre å starte på nytt i ein ny by, på eit nytt, stort universitet, forstår du. Haha!

Elles har eg lite nytt å fortelle, gitt. No ventar eg berre på at kvardagen skal sette i gong, og at eg kanskje skal få meg ein venn eller to. Eg saknar Bergen litt, og innbiller meg stadig vekk at eg skal tilbake dit snart. Det er jo byen "min"! Eg satsar på å få til ein tur nedover i løpet av september, men får vel finne meg i at eg må bli her oppe eit par veker til før eg kan reise herifrå igjen.

Eg føler forresten at første skuledag kvalifiserer til kake. Men sidan vi har starta eit nytt og betre liv beståande av fisk, grønnsaker og godteri kun på laurdagar, får eg nøye meg med å sjå på bilete av den svært mislukka, men veldig gode, sjokoladekaka som Ragnhild laga til meg siste kvelden i Bergen. På kaka står det "HANN-E" og ein ballong. Men det såg du vel?

Pakke i posten

2009-08-12T20:47:00.005+02:00

Ho der flotte mor mi (biletet) tok oppfordringa, og sende meg ein pakke med stoff i posten. Den kom fram til fellespostkassa til låven vår i går, saman med to små sjokoladar som Eirik og eg åt etter lunsj, og med ein søt liten koz-lapp på. No har eg stoff i mange fine fargar, i tillegg til det eg kjøpte på Fretex i går (skal vise dykk seinare). Eg må nok framleis samle ei stund før det kan bli lappeteppe, så i mellomtida får eg lage øvingslappar med dette. Eg prøvde nemleg ut symaskina for første gong på fleire år i går, og det enda nesten i katastrofe. Haha!

Den som leter skal finne

2009-08-12T12:25:00.005+02:00

Vi har visst ein Fretex-butikk like i nærleiken, og sidan vi bur utanfor sentrum betyr det at det kanskje ikkje er så mange folk innom heile tida, og at utvalet dermed er enda betre for meg. I går fann eg i alle fall det eg leita etter - blondestoff. Rettare sagt ein blondeduk frå KID til 19 kroner. Den har eg alt brukt, saman med ei gammal ramme, til å lage eit oppheng for øyredobbar. Eg måtte bruke kreativiteten for å finne ut korleis eg skulle feste stoffet på, for det var visst ikkje like enkelt som eg trudde. Altså, det hadde nok vore enkelt hadde eg faktisk hatt litt praktiske hjelpemiddel (lim hadde vore fint), men eg hadde i grunnen berre eit kvitt silkeband. Det funkar i alle fall slik midlertidig, så får eg gjere det ordentleg ein annan gong.

Kva skal du med den då?

2009-08-10T23:12:00.009+02:00

Lite visste eg om at Trondheim er eit mekka av bruktbutikkar. I dag har eg vore på to Fretex-butikkar, eit antikvariat og ei lita, sjarmerande bruktsjappe. Eirik fann ei gammal Helly Hansen-veske på sistnemnde, som eg må sy litt på før han kan bruke. Sjølv hadde eg som vanleg trøbbel med å finne det eg var ute etter, men eg fann då noko å tømme lommeboka (til Eirik) med.

Først fann eg ein metallbrikke, som eg plukka opp, la frå meg, plukka opp og la frå meg igjen. Eg tenker litt for ofte som Per & Pål i eventyret om Askeladden; "Hva skal du med den da? Kast den!". Men det enda altså med kjøp av metallbrikke, som skal brukast til underlag for kubbelys. I tillegg kom eg over to koppar, som er heilt like ei samling fat eg har frå før. Desse fata er kanskje frå 70- eller 80-talet? Eg fekk dei i alle fall av tanta mi då eg flytta til Bergen utan særleg mange brukbare eigendelar (jamfør innlegg om meiningslaust nips). Så då måtte eg jo berre ha matchande koppar!

Oh yes, I did

2009-08-10T09:09:00.006+02:00

Eit innlegg i serien "Hanne gjer ting som urinstinkta tilseier at ein ikkje skal gjere":

Eg kunne ikkje ha jobba mellom slangar og krokodiller i over to år, utan å ha halde ein. Ein slange, altså. Difor tok Ragnhild meg førre veke med inn i eit rom som var så lite at berre storleiken på det kunne gje klaustrofobiske tendensar. Legg til ein slange, og frykta er total. Etter eit par beroligande ord, gjorde eg det. Eg heldt slangen med to hender! Eg fekk diverre ikkje noko bilete, då eg helst såg at Ragnhild sørga for at hovudpartiet til slangen heldt seg laaangt unna mitt.

Bolli bolli, kose med slangen.

Eit par hakk tøffare enn meg.

Avhengig av stoff, nett som mor mi

2009-08-09T19:52:00.012+02:00

Eg har planar om å sy gardiner til soveromma våre, og kanskje bytte ut det forferdelege dusjforhenget med eit nytt og vakkert som eg kan lage av voksduk. I tillegg vil eg forsøke å lage mitt aller første lappeteppe. Men når ein får slik ei brå sydilla, blir det problematisk at eg ikkje eig ein einaste meter med stoff, og eg må kjempe hardt for å halde meg unna mine eigne klesplagg når det rykker som verst i syfoten. Tidlegare i dag ramla eg over STOFF & STIL (ramle blir kanskje feil ord når du bruker halve dagen på å lese interiørbloggar), og no fryktar eg for livet til lommeboka mi. Herregud, så masse bra stoff! Kjære vene, send meg til avrusning - eller send ein bit med stoff i posten!

I endring (og takk og lov for dét)

2009-08-09T14:16:00.016+02:00

Då eg for mange herrens år sidan (omtrent 3) flytta saman med Eirik, stua eg bort dei fleste eigendelane mine på Voss. Vi budde i eit kollektivrom på storleik med éitt av dei tre romma vi har i dag, og alt nips eg eigde hadde vi verken plass til, behov for...eller ønske om å ta med vidare. Eg forstår ikkje kvifor. Eg hadde jo...

...ei flott, fargerik samling av drinkpinnar.

...ei discokule.

...ei rosa blomeringeklokke med ringelyd frå himmelen.

...ein boks med bordbrikker av typen Wonder Woman.

Og ikkje minst...

...ei endelaus samling av leggisar, belter og nettingstrømper i alle fargar du kan tenke deg.

Eg trur vi seier det slik at det er heilt OK at mennesket endrar seg med åra. Eller kva meiner du?

Ein smugkik

2009-08-09T01:09:00.008+02:00

Slik ser kjøkkenvindauget vårt ut no. Eg kjøpte ein 2-pakning med blondegardiner på IKEA i dag, utan stort andre planar enn at eg skulle "sjå kva eg klarte å gjere ut av dei". Og så blei det altså kjøkkengardiner, som eg enkelt og greit har festa med gardinoppheng eg tilfeldigvis fann i Eirik si verktøykasse. Eg har pynta dei med eit par sommarfuglar som har vore lagra bort på Voss i fleire år, og som eg ikkje har teke fram igjen før no.
Så sei meg, kva synest du? Du får eit glimt av dei gamle gardinene her.

Eg kjøpte meg like gjerne ei osteklokke...

2009-08-08T18:05:00.006+02:00

...og eit fiskeskilt i emalje, frå landtorget .no. I tillegg har eg svidd av nokre hundrelappar på IKEA i dag, sjølv om vi i grunnen ikkje fann det vi skulle ha. Slik blir det når ein forsøker å gjere ekstrem makeover i ei leilighet med relativt dårleg utgangspunkt. Men ting byrjar å ta form her, og det ser absolutt betre ut enn eg trudde vi skulle få til. De skal få sjå bilete snart, eg lovar, men først må eg få nokre dagar på meg til å fikse dei siste detaljane.
Eirik drog akkurat for å grille med ein gjeng studentpolitikarar, så då skal eg bruke resten av dagen på å rydde enda litt meir. Kva gjer du i kveld?

Fanden på Posten

2009-08-07T13:03:00.003+02:00

Eg veit ikkje om eg syntest det var utruleg kult, eller berre veldig veldig skummelt, at eg trakk kølapp nummer 666 på Posten i sommar. Og når det vart min tur i skranken kom det samstundes ei anna dame, som trudde det var hennar tur. Stjal eg nummeret til fanden, kanskje?

Trondheim

2009-08-06T23:44:00.005+02:00

Hei og hopp! No har eg vore på plass i Trondheim i 28 timar, og har på desse små timane rukke å gå tur til Dragvoll, kor eg skal tilbringe trøytte morgonar fem dagar i veka dei neste to åra. Dessutan har vi gått i to timar for å lokalisere postkontoret, som viste seg å ligge omtrent 10 minutt i strak nedoverbakke frå oss. I kveld tok Eirik meg med på innføringskurs i kajakkpadling, og sjølv om eg såg ut til å alltid padle i motsett retning av gruppa ("hald til høgre" - Hanne padlar mot venstre), og sjølv om eg vart søkkvåt og fekk panikk grunna møtande båtar (fordi eg aldri klarte å halde til høgre), så hadde eg det veldig kjekt. Vi gjekk heim frå byen, og har dermed gått i rundt tre timar i dag. Eg trur eg treng ein sykkel.

Eg har ikkje rukke å pakke ut ein drit, og leiligheta ser ut som ein idrettshall etter ein DDE-konsert tidleg på nittitalet. I morgon skal eg kome meg opp tidleg for å pakke ut, og seinare forsøke å finne bokhandelen på Dragvoll. Får eg tid, og har de ønske om det, så kanskje eg rekk å blogge òg! No masar Eirik. God natt!

Nytt design

2009-07-27T17:25:00.007+02:00

Eg brukar bloggpausen på å lage nytt design på bloggen, med god hjelp av shabbyblogs.com. Kva synst du? Har enno ikkje bestemt meg for om eg skal halde på denne, eller starte heilt på nytt ein annan stad, men det hellar vel mot å halde fram her inne.

Elles ser eg at fleire av dykk framleis er innom om dagane. Til dykk kan eg melde om fine dagar på Voss og hyttetur til Samnanger. I morgon reiser vi attende til Bergen, og låner bror min si leilighet. I helga blir det bryllaup i Arendal. Eg tek enda tre dagar i Bergen etter det, før eg reiser til Trondheim og lét mitt nye liv begynne.

Ha ein framleis god sommar!:)

Eg byrjar i ein ende

2009-07-14T01:00:00.001+02:00

Eg har vore dårleg til å oppdatere i det siste. Eg forsøker å tilbringe så masse som mogleg av mi siste tid i byen saman med dei kjekkaste folka i verda, som eg snart ikkje kjem til å sjå att på ei stund. Det har blitt mykje kos, is, sol, grilling, leik, reise og alt anna vi klarer å finne på, og eg likar det slik. Det går berre litt utover bloggen. Så no startar eg i ein ende, og postar tre fine bilete frå då vi for to veker sidan brukte kveldstimane på frisbee, fotball og leik i idrettsanlegget i Skansemyren, heilt der oppe ved foten av Fløyen. Fantastisk stad, fantastiske folk, fantastisk dag, fantastisk by!

Sorry borry II

2009-07-13T13:06:00.005+02:00

Eg bur ikkje heime for tida. Det vil seie, leiligheta i Bergen har ikkje inventar, så eg må dagleg finne gjeremål som ikkje inneber å vere her. I natt har eg sove på sofaen til Ragnhild, og snart er vi klare for å leve ein dag som turistar i Bergen. Eg er jo teknisk sett på ferie i Bergen no. Første stopp blir naturhistorisk museum, deretter Johanneskyrkja. Smaksprøver på fisketorget er òg obligatorisk, og så må vi innom turistinformasjonen for fleire tips. Den beste attraksjonen er sjølvsagt Akvariet, men det blir liksom ikkje heilt det samme når du jobbar der. Vi planlegg likevel å ta turen innom i morgon.
Tips til andre ting ein kan gjere når ein ikkje kan sitje heime?

Sorry borry

2009-07-09T07:56:00.004+02:00

Denne veka er flytteveke. I dag skal eg tilbringe godt og vel 11 timar i ein diger flyttebil på vegen frå Voss til Trondheim. Difor blir denne veka bloggfri, og slik er det med den saka.

Vink om du ser oss!

Kva er dette for insekt?

2009-07-03T13:57:00.004+02:00

Det er sjølvsagt ingen ringare enn Vikebladet som spør. "Kva i alle dagar er dette for ein kar?", lurer lesar Ronny Våge, som har funne det 7 cm lange insektet. Eg tenkte kanskje mine velutdanna lesarar kan svare Ronny, eller helst gje han og resten av innbyggarane i Ulstein inspirasjon til andre hobbyar enn å finne pussige fuglar og insekt å tipse lokalavisa om.

Hanne spør

2009-07-03T09:24:00.005+02:00

Eg reiser heim i helga, utan PC og utan kamera (!). Der skal eg nyte sola, sjå stand-up på laurdag og kose med familien eit par dagar. Så medan eg er på Sunnmøre, har eg eit spørsmål til deg, kjære, søte, stille lesar: Kven er du, kvifor les du bloggen min og kva er kjekkast å lese om?

Vår nye heim

2009-07-02T21:14:00.005+02:00

Eirik er i skrivande stund på plass i vår nye bupel i Trondheim for å få nøklar og skrive leigekontrakt. Han har sendt meg eit drøss av mobilbilete, og eg er ikkje nøgd, eg er veldig nøgd!
Soverommet er truleg like stort som dei to første leilighetene vi budde i saman. Og vi har to soverom! I tillegg har vi stue og kjøkken og bad og kort veg til skulen og livet er fint og eg gler meg til å innrede med tinga mine og å kjøpe nye ting frå Fretex og IKEA og Åhléns og Indiska og viss eg berre kjem inn på master og gjer det bra og får meg ein jobb...puh...SÅ trur eg verkeleg at framtida blir kjempebra!

Gjenbrukte pingvinesker

2009-07-02T17:09:00.016+02:00

For rundt ein månad sidan, medan eg framleis var i jobb, fekk vi inn eit lass med pingvinfigurar pakka i søte, små, blåprikka esker med gjennomsiktig plastlokk. Eg meinte det var synd å kaste desse, tenkte at eg kanskje kunne få bruk for dei ein gong (dette har eg etter mor mi), og tok med meg eit utval heim. Dei viste seg å vere fine til å ha mellom anna hårspenner og øyredobbar i, og ikkje minst er dei veldig kjekke å ha no som eg skal flytte. Eg set berre lokket på, festar ein hårstrikk rundt, og så får eg med meg alt dilldallet utan å lage rot i systemet. Genialt!